在鹿兒島看創意生意

小弟放左一個禮拜大假，去左日本鹿兒島自由行，正所為讀萬卷書，不如行萬里路，不時都要出外行行。

鹿兒島係日本一個鄉下農村地方，但係當地人就運用一點頭腦，發展出不同的生意。

去農場飲鮮奶
農村有農場，中國大把，但係日本人把農場開放，開間店舖賣新鮮鮮奶 ﹑ 鮮奶雪糕  ﹑  鮮奶製品，又有得食燒牛肉，可以買飼料喂羊等。味道同唔同就見仁見智，但係確實吸引了不少本地人前往。

以為農村就一定係 Primary Industry ? 其實可以係 Tertiary Industry。


食旋轉冷麵
一個大圓盤，加 D 水同水流，放 D 冷麵入去轉，轉得開心，食得放心。

冷麵其實好普通，但係加 D 創意，都可以係盤生意。

一個已發展的地方，一般行業已經飽和，如要創業，就是要以另一個角度去思考，挑戰一般人的固有價值觀，其實 iPhone 就係一個電話加電腦的例子。

我仲去左神社同沙浴，我太太話會寫一篇遊記，如果有的話再給大家分享。