I.T. 在香港的惡性循環

明天就是中學文憑試放榜日子，我同事個仔在今年考試，要面對入大學的選擇，以下是我跟他的對話節錄:


我: 你個仔大學選了甚麼科目?


同事: 電機系，醫生律師就一定入唔到。


我: 點解?

同事: 電機在香港起樓都有得做。如果佢成績好D，選擇商科就唔駛煩，仲可以入Bank做Tim。


我: 咁為什麼唔選擇電腦系?

同事: 電腦? 唔知，好似又辛苦，好似又冇前途，仲要成日Update。我叫佢報埋商科文憑及副學士，出來搵野做都易D。

簡單咁講，為搵食。個仔對電腦有熱情，個媽都話鬼佢 la.....

想當年我入大學的時候，I.T.為最Heat的學科，選擇電腦系的同學個個精英，當時連商學院都要攪一科 ISMT (IS管理) 來吸引人才，簡單咁講，為搵食。但畢業個年I.T.泡沫崩潰，到今時今日，I.T.已被冠了黑名。這個道理十分明白，但為何這麼久，第二次I.T.發展的來臨，都無法改變這現實? 


失去信心。香港政府在I.T.行業上缺乏長遠規劃，沒有人會重視它。使I.T.畢業者成失敗者，從錢同前途角度看，家長見唔到I.T.人可以有什麼前途。


- I.T. 是專業行業嗎? 
我身為BCS 同 HKCS會員，可以在I.T.功能組別投票。但政府工唔睇，人工唔會多，又要交會費，好多人都唔想入會。如果係HKICPA (會計專業) 就唔同，月入兩萬是保證，又有大型Audit 同 Account Firm 可以做。


- 香港有大型I.T.公司?
Yahoo係香港，主力Marketing，主力搵Sales。我諗唔到仲有邊間。最搵到錢就是入Bank做，但如果入Bank 做，我會讀商科而唔係電腦。


- 惡性循環
在香港的環境，人才唔會入I.T.行，有志者創業者會找不到有能者幫手，我創業時就是找不到有心做的員工。而然，沒有創業者就沒有成功例子，人才更唔會入行。

我全力支持政府新增資訊及科技局，希望可以從政策上改變這種惡性循環。

(圖片來源: info.cloth.hc360), 唔通香港I.T. 只係賣衫..